"Mukanditayire ku Nyanja" is a solid local reggae jive song released in 2005 by one of Malawi's popular musicians, THOMAS CHIBADE presents a vivid picture of domestic violence and advocates an end to it. LYRICS (ChiNyanja) (Chichewa):
Abambowa 'samaone chonchi
Akavala bwino ulemu poyenda
Koma akaledzera mkazi ndi kapolo wawo
Kumenya mkazi ngati mwina apha munthu
Akaledzera amafuna nsima, ya ndiwo zankhulu komanso sanagule
Akamabwera mkati mwa usiku, amayi amangolira: "zibhakera zikubwera"
Ana kulira momvetsa chisoni, amayi akutuluka magazi mphuno ndi mkamwa
Akumalira momvetsa chisoni mayi modandaula, kuganizira kwao
"Amuna anga chonde!"
Mukanditayire kunyanja
Ndatopa, ndikapume
Ndikamakufunsani chilungamo, mumandiyankha mwano, ndalakwanji ine?
Anthu akwathuwa akundidabwa oh! chifukwa ndanyozeka
Poti mwandivula ufumu wanga
Banja ndikupilira koma ayi zina zinyanya
Amayi asakachedwe kuchigayo, ku msika kapenanso ku mjigo
Kothyola mnkhwani ngakhale kudondo
Abambo amawatsatira konko
Kuwachititsa manyazi pagulu
Ngati nkuchigayo ufa onse kutaya pansi
Kodi bambo mukamachita choncho, mumamva bwanji muli ndi mulongo wanu
Mwamuna wake akumuchita choncho, inu okhala ankhoswe mungaweruze bwanji
Kodi siuja kale munkangolira amayi anu akutibulidwa ndi mwamuna wao oh!
Koma ngati ndi nkhanza zoyamwira, bambo adamwa tameki nanga mukaniranji?
Musamatero choncho
Bambo kutangwanidwa ndi wana kuntchito
Tiwana take tosayenera kutero
Kunama: "It's my office" mwina "Don't worry woman"
But second see kuti ako ndi mwana
Tiwana take small in appearance, teenager genuine but danger in actions
Tikuchitira mwano mwini mwamuna, kulankhula motumbwa: "Nafenso tidya mommo"
Mwanawe tamadzimvera chisoni, mDala uli nayo is same size with your father
Akazi am'banja sizidole ngati akukwanani atayireni ena, akasiyanitse....
Mukanditayire kunyanja
Ndatopa, ndikapume
Ndikamakufunsani chilungamo, mumandiyankha mwano, ndalakwanji ine?
Anthu akwathuwa akundidabwa oh! chifukwa ndanyozeka
Poti mwandivula ufumu wanga
Banja ndikupilira koma ayi zina zinyanya
Ndi mwayi wanu bambo mwakwatira
Musungane likhale banja la mtendere
Anzanu afuna banja salipeza, awo!
Angokwatira akazi aziwewe kale
Othamanga, amwano, opanda mwambo
Bambo ndipemphe chimodzi muleke nkhanza
Amayi wanga musafere banja
Kutchena ndi kukhwasula, mumtima ndi kapolo
Nyimbo yanga siyothetsa mabanja
Ine ndikungoimba nanunso mayi mumve poti...
Akazi ena mumayerekedwa, mukaona mwamuma akukhalira pakwanu oh!
Kusamva, makani ndi chisembwere, kusanduka mwamuna:
"Kasake deya tidye", kulepheranso
Zimakhala choncho, dziko lake lomweli
Awo adali ndi mkazi wao, wa ulemu, womvetsa, wosunga mwambo
Adawathawa chifukwa cha nkhanza zawo
Zimakhala choncho, dziko lake lomweli
Amayiwa adali ndi mwamuna wao, wolera, woveka, wodyetsa, womvetsa
Adawathawa kaamba ka chisembwere