कोकण.....!
कोकण म्हटलं की आपल्या डोळ्या समोर येतो तो कोकणातील डोळे दिपवून टाकणारा निसर्ग सौंदर्य, एवढंच नव्हे तर कोकणातील सण समारंभ आणि वाडवडीलांपासून चालत आलेल्या रुढी परंपरा पहायला मिळतात, त्यातलाच हा एक सण ( शिमगा )
कोकणातील माणूस हा कामधंद्यासाठी कितीही लांब गेलेला असला, तरीही होळी आणि गणपतीच्या सणांना त्याचे पाय आपोआपच गावाकडे वळतात. जस घरट्या बाहेर उडालेल्या पिल्लांची जशी पक्षीन वाट पाहते ना, तसेच इथले गाव आणि गावकरी आपल्या चाकरमान्यांची वाट पहात असतात.
शिमगा उत्सवात होळीच्या वेळी ग्रामदेवतेची पालखी निघते. गावागावातून ढोलताशांच्या गजरात ग्रामदेवतेची पालखी काढण्यात येते. या दिवसांमध्ये गावातील प्रत्येक घरात पालखी नेण्यात येते. वर्षानुवर्षं ठरवलेल्या दिवसांनुसार घरोघरी देव पाहुणचाराला येतात...
होळीला पालखी मंदिरा बाहेर पडते ती थेट करंबवणे या गावी जाऊन तिथल्या लहान थोराला दर्शन देते....अस म्हणतात बिवली हे गाव ग्रामदेवतेच सासर घर आहे, तर करंबवणे हे गाव ग्रामदेवतेच माहेर घर आहे. त्या गावी सोहळा पार पडल्यावर पाच दिवसानंतर पालखी बिवली या गावी येते.
बिवली गावी पालखी नाचत गाजत आली की, त्या रात्री ठरलेल्या ठिकाणी मोडा होतो म्हणजेच देवीच जागरण आणि पालखी नृत्य होतं... बिवली (धरणवाडीत) पालखी येताना मिरवणूक काढली जाते.... यात लहान मोठे सर्व दुःख विसरून नाचत असतात..तरुण मंडळी पालखीला आकर्षक अशी सजावट करतात...दुसऱ्या दिवशी संध्याकाळी शेवटचं घर झाल्यावर पालखीची भव्य मिरवणुक निघते. म्हणजेच शिमग्याची सांगता होणार, देव पुन्हा मंदिरात जाणार, हा अविस्मरणीय क्षण प्रत्येक जण आपल्या डोळ्यांनी टिपण्यास सज्ज असतो. गुलाल उधळत, लहान थोर अगदी मंत्र मुग्ध होऊन या सोहळ्याचा आनंद घेत असतात. नाचत गाजत पालखी गावच्या मंदिराकडे जाते...गावच्या मंदिराला पाच फेऱ्या मारल्यावर पालखी मंदिरात जाते. आणि होळीला बाहेर पडलेले देव पुन्हा मंदिरात विराजमान होतात... ग्रामदेवतेचे पुजारी या दोन गावांचा सांभाळ कर असा अर्ज लावतात. तो क्षण आणि तेव्हा अंगावर येणारे शहारे.....
असा हा बिवली आणि करंबवणे या दोन गावचा शिमगोत्सव मोठ्या थाटामाटात जल्लोषात साजरा केला जातो........
आपणास व्हिडिओ आणि लेख आवडल्यास नक्की लाईक करा, कमेंट करा आणि शेअर करा, धन्यवाद......🙏🏻
@KokanchiLokdhara ‎@kokani_chhand ‎@kokani_chhand ‎@hemantmali5643 ‎@ajayghate3773 ‎@KokanKalaManch ‎@Kokani_Swar_Akshay_Vijay_Agre ‎@aamhi_kokani ‎@motivational__lover ‎@AathavanitilEkPravas ‎@kokanikarti
@KiranGavali @Kokancha_That @kokanchi_lokkala @Kokanchi_Lokkala_Sanskruti @kokanchilokkala @jhalakkokanchi5499 @kokanchimansasadhibholii @Konkanstar @neelmestri @kokansanskruti @MIKOKANINIKHIL @ShubhamKokani1 @SwargatloKokan
@koknatlaekpravas5535 @anushviproductiongk1830 @VikasLambore @ajaymali4187 @kokanchiplunbivali3554