کندهار کي ۳ ورځنی نندارتون جوړ سوی
په کندهار کي د یوه خصوصي شرکت لخوا او د صنعت او سوداګرۍ وزارت، د کندهار د صنایعو او معدنونو خوني او د کډوالۍ نړیوال سازمان (I.O.M) په همکاري یو ملي نندارتون جوړ سوی دی.
د یاد نندارتون جوړوونکي وايي، دا نندارتون نن (شنبه) پرانستل سوی او د دریو ورځو له پاره ۱۵۰ شرکتونو خپل تولیدات نندارې ته وړاندي کړي دي.
ویل کېږي چي، دغه نندارتون د کورنیو تولیداتو د بازار موندني په خاطر جوړ سوی او کرهڼيز وسایل، خوراکي او غیر خوراکي توکي، وچه مېوه، اوسپنیز توکي، د فېشن توکي، لوښي، او ګڼ شمېر نور تولیدات نندارې په کښي وړاندي سوي دي.
په درنښت هادي ميډيا