مراحل تطور ادوية السكر
براين شيليتون اول مريض سكر في العالم يتعالج من مرض السكري بشكل نهائي
من حوالي ٣٥٠٠ سنة وبالتحديد سنة ١٥٥٠ ق م تم اكتشاف اول مريض سكري في اليونان واتشخص على انه مرض كلوي
وفي نفس الفترة دي تم وصف اعراض مرض السكري في بردية فرعونية قديمة سميت بردية ابرس
في القرن الثان الميلادي اتسمى المرض ده بالبول السكري diabetes millets لانه كان العرض الظاهري المشترك بين المرضى
وخلال الفترة دي كان يعتقد ان المرض ده مرض كلوي وانه نوع من أنواع الفشل الكلوي
لغاية سنة ١٨٨٩ في بعض الباحثين في فرنسا ازالو بنكرياس من جسم كلب ولاحظو ان الكلب أصيب بعد كدا بمرض السكري ودا شهادة براءة للكلى وان السبب الرئيسي للمرض شيء معين في البنكرياس مش الكلى
في سنة ١٩٢١ تم اكتشاف هرمون الانسولين على يد تشارلز بيست وبانتينج بعد ما عملو تجارب على ٤١٠ كلب واكتشفو ان الهرمون ده هو المسؤل عن خفض مستوى السكريات في الدم
وفي السنة اللي بعدها سنة ١٩٢٢ تم عزل الأنسولين لأول مرة وحقنه في طفل مريض بالسكر
في سنة ١٩٢٣ التحق بالفريق البحثي الصيدلي الأمريكي إيلي ليلي (Eli Lilly) ليتم انتاج الانسولين المستخلص من البقر والخنازير لأول مرة من شركة إيلي ليلي (Eli Lilly) تحت اسم تجاري (Iletin) عام 1923م ودا كان اول اسم للأنسولين قبل ما يتغير ويبقى اسمه انسولين
ولكن كان فيه عدة مشاكل ماكنتش في الحسبان
مشكلة العزل محتاجين نفصل كمية كبيرة تغطي الاحتياجات
مشكلة النقاوة لان الانسولين المعزول من الحيوانات كان بيعمل موجات تحسسية وتورومات
مشكلة المدة لان الانسولين المعزول كان مدة فاعليته قصيرة
وعشان كدا كان في اجتهادات لتطوير اكتر من نوع للأنسولين في التلاتينات والاربعنات عشان يحل المشاكل دي .. وكان لشركة نوردسك دور مهم جدا في الاجتهادات دي
ودا كان اول علاج فعال لمرضى السكري
ومن بعدها حصلت ثورة في فهم سبب وطبيعة مرض السكري وتقسيمه الى نوعين نوع اول اللي فيه الجسم مش بيعرف يخلق الانسولين والنوع التاني الجسم بيخلقه لكن لسبب معين مش بيقوم بدوره
اكتشاف السلفونيل يوريا في علاج مرضى السكري
سنة ١٩٤٢ كانت بداية ثورة تانية في تطوير علاجات النوع التاني من مرض السكري
لان السنة دي كانت بدية اكتشاف عيلة السلفونيل يوريا بالصدفة ولقيوها بتحفز من افراز البنكرياس للانسولين وبالتالي هتكون مركبات مثالية لمرضى السكري اللي عندهم افراز قليل من الانسولين
سنة ١٩٥٧ كان اول تجربة للميتفورمين على البشر لعلاج مرض السكري من قبل الصيدلي جان ستيرن Jean Sterne وتم انتاجه من شركة رونا في بريطانيا تحت اسم جلوكوفاج (آكل الجلوكوز) ودا كان اول اسم تجاري للميتفورمين
ولكن لم يعترف به عالميا لعلاج مرضى السكري الا في سنة ١٩٩٤ من قبل ال (FDA) وبعدها تم انتاجه بكميات كبيرة تحت أسماء تجارية كتيرة
سنة ١٩٧٨ حصلت ثورة في الأوساط العلمية بتطوير الهندسة الوراثية وكان اول تطبيق ليها في المجال الطبي هو انتاج الانسولين البشري المعدل وراثيا لأول مرة من الباكتيريا وبالتالي انتاج كميات اكبر وعزل ونقاء افضل من الانسولين الحيواني بأقل تكلفة
عن طريق عزل الجين الخاص بإنتاج الانسولين البشري وزرعه في الحمض النووي للباكتريا ولما تتكاثر الباكتيريا تنتج كميات كبيرة من الانسولين
سنة ١٩٦١ حصلت ثورة تاني في الأوساط العلمية والطبية لما اكتشف إرنست ماكولوم مع فريق بحثي الخلايا الجذعية stem cells لأول مرة وهي خلايا من نخاع العظام ممكن تتمايز لاي نوع من خلايا الجسم المختلفة
وعشان كدا سنة ٢٠١٤ تم بنجاح انتاج كميات كبيرة من خلايا (Beta cells) البشرية الفعّالة المسؤلة عن انتاج الانسولين في البنكرياس من قبل شركة (Semma)اللي استحوزت عليها شركة (Vertex)عشان تبدأ حقبة جديدة في علاجات مرض السكري ولكن المرة دي هيكون علاج نهائي
وبدأت التجارب السريرية اللي من المفترض هتكون بين ٥ ل ١٠ سنين على مريض متطوع امريكي اسمه براين شيليتون اللي هيكون اول مريض سكر في العالم هيتعالج بشكل نهائي من مرض السكري
ولكن النوع ده من العلاجات بيواجه تحديات كتير لان زراعة أي شيء جديد في جسم الانسان معرض لمهاجمة الخلايا المناعية ليه و ممكن تحصل منه مضاعفات.. ولكن العلم كل يوم بيتطور وبنلاحظ اكتشفات بتغير كتير من المسار العلاجي لاي مرض ونأمل في القريب العاجل تنجح محاولات تطويرعلاج يقضي تماما على مرض السكري بأذن الله
#مرض_السكري #مرض_السكر #الانسولين #ميتفورمين #جلوكوفاج #الهندسة_الوراثية #الخلايا_الجذعية #stem_cells #هرمون_الانسولين