*Domingo 27 re li po agosto 2023*
*San Mateo 16, 13-20*
Naq kiwulak li Jesus sa' xteepal Cesarea re Filipo, kixpatz' reheb' li xtzolom: --Ani li K'ajolb'ej naq neke'xye eb' li tenamit? Ke'xye: --Wan neke'yehok naq a' laj Jwan aj kub'sihomha'. Wankeb' chik neke'yehok naq laj Elías, ut wankeb' wi' chik neke'yehok naq a'an laj Jeremías malaj junaq reheb' li propeet. --Ut laa'ex, anihin laa'in naq nekeye? chan li Jesus reheb'. Kichaq'ok laj Simón Pedro ut kixye: --Laa'at li Kriist, li Ralal li yo'yookil Yos. Toja' naq li Jesus kixye re: --Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'. Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een. Tink'eheb' aawe li xlaawil li xnimajwal wankilal li choxa: li taab'ak' sa' ruuchich'och', b'ak'b'ooq ajwi' sa' choxa, ut li taahit sa' ruuchich'och', hithooq ajwi' sa' choxa. Toja' naq li Jesus kixchaq'rab'iheb' li xtzolom naq maa'ani che'xye wi' naq a'an li Kriist.
*Raatin li Qaawa'*