BOODSKAP VAN DIE PREDIKANTE:
Die gemeente het haar roeping aanvaar om God se gemeente te wees wat aanbid, omgee en werk. Deur hierdie roeping fokus ons elkeen individueel maar ook as gemeente op die verheerliking van die drie-enige God in alles wat ons doen. Ons gee om vir mekaar as broers en susters in die geloof en ons gee om vir alle mense, omdat God vir alle mense omgee. Ons dien mekaar en God se koninkryk in die wêreld met die wonderlike gawes wat die Heilige Gees aan elkeen gegee het.

Elke persoon, groot en klein, oud en jonk het ‘n plek en ‘n funksie in die gemeente en die liggaam van Jesus Christus. Ons vier die verskeidenheid wat God gee, en ons vind ons eenheid in ons geloof in God.

Dit is vir ons as predikante ‘n besondere voorreg om in die gemeente te werk en lidmate en besoekers pastoraal te bedien en versorg.

Mag die lig van die evangelie in ons en deur ons skyn en mag ons dienswerk God verheerlik.

Eksteen Botes
Gert Macdonald