*పేదల గుండె చప్పుడు "వంగవీటి"...*
*పేదలకు దుప్పట్లు పంపిణీ చేసిన సుంకర...*
**************************
విజయవాడ బందరు రోడ్డులోని స్వర్గీయ వంగవీటి మోహన రంగా విగ్రహం వద్ద చినకాకానికి చెందిన హైకోర్టు అడ్వకేట్ సుంకర చరణ్ ఆధ్వర్యంలో గురువారం దివంగత ఎమ్మెల్యే రంగా 36వ వర్ధంతి సందర్భంగా పేదలకు దుప్పట్లు, పండ్లు పంపిణీ చేశారు. తొలుత వంగవీటి విగ్రహానికి వారు పూలమాలలు వేసి ఘనంగా నివాళులర్పించారు. అనంతరం మంగళగిరి ఏపీఎస్పీ పెన్షనర్స్ అసోసియేషన్ అధ్యక్షులు తాటి కృష్ణారావు నాయుడు చేతుల మీదగా పేదలకు దుప్పట్లు, పండ్లు పంపిణీ చేశారు. అనంతరం ఆయన మాట్లాడుతూ పేదల సమస్యలను తమ సమస్యగా భావించి పేదల కోసం ప్రాణాల అర్పించిన గొప్ప వ్యక్తి రంగా అని ఆయన అన్నారు. వంగవీటిని స్ఫూర్తిగా తీసుకొని నేటి తరం నాయకులు పేద బడుగు వర్గాల ప్రజలకు అండగా ఉండాలన్నారు. పేదల గుండెల్లో స్థిరస్థాయిగా నిలిచిన ఆయన పలువురికి ఆదర్శనీయమన్నారు. ఈ కార్యక్రమంలో భగీరథ ట్రస్ట్ చైర్మన్ పందేటి సాంబశివరావు, రిటైర్డ్ విద్యుత్ శాఖ ఏఈ బండారు హుస్సేన్ రావు, లింగనేని మోహన్ సాయి కృష్ణ, ఉమ్మశెట్టి నరేష్ తదితరులు పాల్గొన్నారు.
*- బాపనపల్లి శ్రీనివాస్, జర్నలిస్ట్.*