Sənaye və İnnovasiyalar üzrə Bakı Dövlət Peşə Təhsil Mərkəzi - Beynəlxalq təhsil standartlarına əsaslanan, qlobal sənaye ehtiyaclarına hazır rəqabətqabiliyyətli kadrlar hazırlığını həyata keçirən peşə təhsili müəssisəsidir. Mərkəzdə sənaye qurumlarında istehsal proseslərini təşkil edən və innovativ texnologiyalarla işləmək bacarığına malik olan mütəxəssislərin hazırlanması nəzərdə tutulur.

Mərkəzin əsas hədəflərindən biri müasir tələblərə uyğun dayanıqlı peşə təhsili modeli yaratmaqdır. Bununla yanaşı, mərkəz istedadları aşkar etməyi, onların müvafiq sahədə inkişafına şərait yaratmağı, fərqli yaş qruplarından olan şəxslər üçün ömürboyu təhsil imkanları təqdim etməyi qarşısına məqsəd qoyub.

Ən müasir maddi-texniki baza ilə təchiz olunmuş mərkəzdə 8 texniki ixtisas üzrə təhsil almaq imkanı yaradılıb. Bununla yanaşı, mərkəzdə qısamüddətli ixtisasartırma kursları da təşkil olunur.