Хөхрөн униартах тэнгэрийн мандалд
Элин халих хос шувууг хараад
Энэхэн сэтгэл мөрөөдлийн мананд умбаад
Эгэлхэн зүрх минь мөрөөднө
Борооны дусал мянга түмээрээ
Бүрхэг тэнгэрээс сэхээ өгөлгүй шиврээд
Бодлын дотор өнгийн юмс эргэлдэхгүйгээр
Булбарай чамайгаа ганцхан хайна
Би чамайгаа
Шүүдэр цэцгийн дэлбээнд чи минь
Дусал болсон ч юм уу даа
Шиврээ бороон дуслаас чамайг хайна
Би чамайгаа
Шүүдэр цэцгийн дэлбээнд чи минь
Дусал болсон ч юм уу даа
Шиврээ бороон дуслаас чамайг хайна
Тэртээд хөвсийх үүлсийн чөлөөгөөр
Тэргэл сарны цагаан туяа тусахад
Шүүдэр цэцгийн дэлбээнд болортон солонгороод
Шөнийн сарны туяанд чамайг олж харлаа
Бодолд урган сэтгэлд дэлбээлэвч
Шүүдэр цэцгийг олж хэзээ ч хараагүй
Зүүдэнд учирч зүрхэнд шингэсэн хайраа
Зөвхөн түүндээ зориулна ганцхан
Би чамайгаа
Шүүдэр цэцгийн дэлбээнд чи минь
Хонгор чамайгаа би
Шөнийн сарны туяанд олж харлаа