དཔའ་འཆམ་ཟེར་མི་འདི་ གཏེར་སྟོན་ཆེན་པོ་ཆོས་ཀྱི་རྒྱལ་པོ་རིག་འཛིན་པདྨ་གླིང་པ་ཨྱོན་རིན་པོ་ཆེའི་སྐུ་མདུན་ལུ་བྱོན་པའི་དུས་ལུ་དཔའ་འཆམ་འདི་གཟིགས་ནུག།དེ་བཟུམ་སྦེ་རྔ་ཡབ་ཟངས་མདོག་དཔལ་རིའི་རྩེ་མོ་ལུ་པདྨ་འོད་ཀྱི་ཕོ་བྲང་བཀོག་པ་གནམ་མེ་ས་མེད་ཡ་མཚན་ཆེ་བ་ནམ་མཁའི་མཐའ་བཟུམ་ཟབ་པ་དང་རྒྱ་ཆེ་བའི་སྦུགས་ནང་ལུ་རྒྱལ་བ་ཀུན་གྱི་སྤྱི་གཟུཊ་རིག་འཛིན་ཐོད་ཕྲེང་རྩལ་དེ་ས་གསུམ་གྱི་འགྲོ་བ་སེམས་ཅན་དེ་ཚུ་ཡར་འདྲེན་པའི་མགོན་དང་དཔུང་གཉེན་འབད་བཞུགས་ཡོད། ཕྱོགས་ མཚམས་ག་ར་ལུ་འཇལ་དང་འོད་ཀྱི་དཀྱིལ་འཁོར་འདི་བར་མཚམས་མེད་པར་གང་གང་མའི་སྦུགས་ལུ་ཡི་དམ་དཔའ་བོའི་ལྷ་ཚོགས་དང་མཁའ་འགྲོ་དཔལ་མོའི་ལྷ་ཚོགས་དེ་ཚུ་ཞི་བ་དང་དྲག་པོའི་སྤྲུལ་པ་རྣམ་པ་སྣ་ཚོགས་སྟོན་པའི་རྣམ་འཕྲུལ་གྱི་ཟློས་གར་མ་འདྲཝ་སྟོན་གནངམ་ཨིན།གསུང་ཐེག་ཆེན་གྱི་ཆོས་སྒྲ་ག་ནི་ཡང་སྒྲོགས་པའི་གླུ་དབྱངས་ལེན་ཏེ་འཇིག་རྟེན་དང་འཇིག་རྟེན་ལས་འདས་པའི་གདུལ་བྱ་སེམས་ཅན་དེ་ཚུ་ཡར་འདྲེན་པའི་དོན་ལུ་ཟབ་པ་དང་རྒྱ་ཆེ་བའི་ཆོས་ཀྱི་དགའ་སྟོན་གྱི་སྤྲིན་ཕུང་གཡོ་བའི་ངང་ལུབཞུགས་པའི་ནང་ལས་དཔའ་བོ་དང་དཔའ་མོ་ཞི་བའི་ལྷ་ཚོགས་དེ་ཚུ་ལུ་གཙོ་བོའི་སྒོ་ལས་མིང་བཏགས་ཏེ་དཔའ་འཆམ་ཟེར་འཇིག་རྟེན་མི་ཡུལ་གྱི་གདུལ་བྱ་སེམས་ཅན་དད་པ་ཅན་དེ་ཚུ་ཨྱོན་ཆོས་ཀྱི་རྒྱལ་པོའི་སྐུ་མདུན་ལུ་འདྲེན་པའི་ཐབས་ལུ་མཛདཔ་ཨིན་པས།