د سټنډرډ ملي ادارې د هېواد د بخارۍ جوړونې صنعت د معیاري کولو په موخه په کابل کې د بخارۍ له تولیدي کارخونو څخه څارنه وکړه
دغه بهیر د ملي سټنډرډونو د تطبیق، د افغاني صنعت د پیاوړتیا، د کورنیو تولیداتو د کیفیت معیاري کولو، د خصوصي پانګوالو د هڅونې او په بازارونو کې د سالم رقابت د رامنځته کولو په موخه ترسره شو.
د سټنډرډ ملي ادارې د څارنې ټاکل شوي هیئت چې د ارزونې او مطابقت ریاست، د کیفي تصدیق پاڼو ریاست او د ملي سټنډرډونو او ودانیزو کوډونو د جوړونې او رواجولو ریاست څخه جوړ وو، د یو شمېر کارخونو د تولیداتو کیفیت او د سټنډرډونو د تطبیق له څرنګوالی څخه یې څارنه وکړه:
- د رامک ترک چیلیک کارخونه، د پلچرخي صنعتي پارک، درېیمه سرک، الف فاز ، کابل.
- د جمبود بهسود شرکت، د مرمرو د صنعتي ښارګوټي، ارغندې بالا، پغمان، کابل.
- د اتفاق شرکت، د دشت برچي، د شهیدانو څلور لارې، د اتفاق ښارګوټی، کابل.
- د اتفاق ترک شرکت، د مرمرو صنعتي ښارګوټي، ارغندې بالا، پغمان، لومړی سړک، کابل.
- د امید آمو شرکت، د دشت برچي، د شهیدانو څلور لارې، د اتفاق ښارګوټی، کابل.
د دې بهیر په ترڅ کې د سټنډرډ ملي ادارې څارنیز او تخنیکي ټیم د ملي سټنډرډونو په اړه او د تولیداتو د معیاري کولو د اهمیت په برخه کې اړینې سپارښتنې او معلومات وړاندې کړل.
د سټنډرډ ملي اداره د کورنیو تولیداتو د معیاري کولو په برخه کې پرله‌پسې هڅې کوي او پدې برخه کې یې پراخې برنامې تر لاس لاندې نیولي دي.