Ақиқатты айқындайды кім бүгін.
Іздеп жүрміз Ата тарих үздігін.
Күреңселі бабам жортқан дала анау.
Ақбоз үйдің әжем ашқан түндігін.
Кімдер жүріп, кімдер өткен бұл жерде.
Әр жусаны сыр шертеді білгенге.
Білгің келсе бабалардың бастауын.
Төбе басы ескі қорым іргеңде.
Қотыр тастар уақыт желі мүжіген.
Жаңылтардай таспа тарих ізінен.
Ойға батып тасты сыйпап мен тұрмын.
Жазба ақиқат көрінердей жүзінен.
Беу, тірлік-ай, ұқсайтұғын жасынға.
Өткен тарих куәгері осында.
Түп атасы өсіп-өнген әулеттің.
Келіп тұрмын Шоқан ата басында.
Ұрпағының тек бақытын тілеген.
Жүрегімде бір сағыныш үдеген.
Келімсек ой мазалайды жанымды.
Ұрпақ үшін не тындырдым мына мен.
Не бітірдім, не тындырам алдағы.
Іске астыма бабалардың арманы.
Өшпес ізін іздеп өтем өткеннің.
Түскенінше сұм ажалдың қармағы.
Сезім шалқып, міне, осылай толғандым.
Құны қымбат боларынан болғанның.
Шоқан ата ұрпағыңа медет бер.
Біз әзірше қонағымыз жалғанның.
Кеңес .Бес Шоқан
02-ші қазан. 2024 ж.
Кеңес ағаның жыр шумағы.
Бүгін Базар Ата ұрпақтарының атынан Түменбай Қалжанов аға, Жаңабай Тұяқов аға, Оразғұл Мергенұлы аға, Аманқұл Мергенұлы аға, Кеңес Қонарбаев аға, Амантай Нәбиев Мергенұлы, Айқанат Амантайұлы Бес Шоқан Аталардың басына барып, одан ірі Сәтіберді Атаның басына барып, бата оқып, зират етіп келді.
Әбекең Ағаларыңың басы біріккен соң, үйге дәм татуға шақырған болатын. Кешке қарай Айдар аға, Ізтұрған аға, Қожағали ағалар келді.
Бүгінгі бітірген шаруаларын айтып, біздің шаңырағымызға ақтілектерін арнап, ризашылықтарын білдірді.
Әмин!🤲
Айтқандарыңыз келсін!
Ата бабаларымыз қорғап-қолдап,
желеп-жебеп жата берсін!