අතීත මතකාවර්ජනයක් ❤
අහම්බෙන් සෙට් වෙච්ච ෆොටෝ එකක් නිසා මේක ලියන්න ඕනි හිතුනා. මේ කතාවේ කතා නායකයා තමා අම්පාරේ ගොඩක් අය දන්න Dilanka Express අධිපති දිලංක අයියා. පහළ ෆොටෝ එකේ තියෙන්නේ JU 0719 බස් එක. එයාගෙ පළවෙනි බස් එක
මතක විදියට මේක ගේන්නෙ 2005/2006 අවුරුද්දෙ. අපි උසස් පෙළට නුවර අමතර පංති යන එන කාලේ .මම හිතන්නේ දිලංක අයියාට ඒ වෙද්දි වයස 20 ක් වගේ ඇති. මේ බස් එකට දෙවි කෙනෙක් වගේ සලකපු දෙන්නෙක් ඒ කාලෙ දිලංක අයියා එක්ක වැඩ කලා. ඒ තමයි මේකෙ ඩ්‍රයිවර් කලු මාමා සහ කුමාරිගම සුදු අයියා. 18 වංගුව හදන කාලේ මේ බස් එකක් ඒකෙ කරකවනවා කියන එක සෙල්ලමක් නෙවෙයි. ඒ වගේම ඇස් දෙකට දැකපු ලස්සනම සිදුවීම් වලින් එකක් තමයි සීරීමක්වත් වෙන්න නොදී මේක පරිස්සම් කල විදිය. ඒ දෙන්නම දැන් කොහේ ඉන්නවද නම් දන්නෙ නෑ.
මතක විදියට ගුඩ් ශෙඩ් එකෙන් 11.45 ට බස් එක පිටත් වෙනවා. සතිය ගානේ බස් වලට ගෙවන්න තරම් ලොකු වත්කමක් නොතිබ්බ කාලේ මේකෙ පංති ආවෙ ගියේ සත පහකවත් අය කිරීමක් නැතිව. අදටත් ඒ වෙනුවෙන් ස්තූති කරනවා කරපු උදව් වලට. මම දන්න තරමින් දිලංක අයියා අම්පාරේ ඉඳන් නුවර පංති ගියපු ආපු ගොඩක් අයට මේ උදව්ව කළා.
ඒ කාලෙ මෙයාට පාවිච්චියට තිබුණේ පල්සර් කලු පාට බයික් එකක්. ඒ වගේම දියුණු වෙන්න පුදුමාකාර කැපකිරීමක් තිබුණ කෙනෙක්. ඇත්තටම අපි මොන දේ කලත් ඒකට ලොකු කැපකිරීමක් කරන්නම ඕනි ජයග්‍රහණයක් ලබන්න නම්. ඒ වගේම පුලුවන් හැම වෙලාවකම පුලුවන් විදියකට මනුස්සයෙක් වෙනුවෙන් දෙයක් කරගෙන ඉදිරියට යන එක හරිම ලස්සනයි. මෙතනින් පටන් ගත්ත ව්‍යාපාරය ව්‍යවසායකයෙක් හැටියට අද ඉන්න තැන ගැන හරිම සතුටුයි වගේම අම්පාරට ආඩම්බරයක්.
දියුණුවටම පත්වෙන්න කියලා ප්‍රාර්තනා කරනවා....!
Copied by Madusanka De Silva....✍️
(Ampara Live Group)
#dilanka_express
#ampara