🐳Köpəkbalıqları ilə üzmək?🐳
🐳Maafushi adasında artıq 2ci gün idi. Axı demişdim sizə, Maldivlərin suyu, qumu heyrətamiz olsa da, okean dərinlikləri min qat daha gözəldir. Mən öz təcrübələrimizdən danışacam. Ağlınıza gələ biləcək bütün su sport növlərini burda tapmaq mümkündür. Bəs AKULALARLA üzmək? Bu qulağa bir az qorxulu və qəribə səslənir. Biz də elə ölmürükmü belə şeylərdən ötrü. Düzünü desəm getməmişdən əvvəl düşünürdüm ki, iki-üç ədəd akula ilə üzə bilərik ya yox. Nə iki-üç a kişi. 100-lərləəəəəəə.
🐳İlk öncə bir neçə tur şirkətindən maraqlandıq, qiymətlər demək olar ki, hamısında eyni idi. Bizim tura, köpəkbalıqları ilə üzmək, stak balıqlarını və delfinləri görmək daxil idi. Dönüşdə də, Sand Bankda qəşəng bir günorta yeməyi daxil idi. Qiyməti 55 dollar idi. Qiymətə snorkoling ləvazimatları daxil idi.
🐳İlk öncə Akulalara getdik. Elə qorxurdum ki, anlatamam sizə. Düşünürdüm ki, elə kənardan baxaram. Amma gedib o gözəllikləri görəndən sonra, sizcə məni kimsə saxlaya bilərdi? İlk öncə suya atladığımda çoox qorxdum. Sonra dedim əşi bu qədər adam dəlidir canını təhlükəyə atıb? Ondan sonra açkini taxdım gözümə bəəəəəh elə bir aydınlandım. Gözümü qırpmadan, heeey doyunca onlara baxmaq istəyirdim. Eləbil dünyada hər şeydən təcrid olunmuşdum, yalnız onlar və mən var idim. Bu hissi yaşamadan necə gözəl hiss olduğunu bilə bilməzsiniz. Bir anlıq elə hiss etdim ki, sanki gözümə VR eynək taxmışam və eynək ilə görürəm onları. Real olduğunu anlayanda adam sevincindən uçmaq istəyirdi. Təsəvvür edin akulaların içindəsən, 4 bir tərəfin akula, hətta bəzən sənə toxuna bilərlər.
🐳Bilirəm hər adam bu təcrübədən zövq ala bilməz, normal bir şeydir. Mən və Röyal elə insanıq ki, həyatda hər şeyin dadına baxıb, bacardığımız qədər bütün təcrübələri denəmək istəyirik. Ən əsası bu kainatın parçasıyıq və onu anlamışıq ki, nə olacaqsa, olacaq. Ona görə həyatdan maksimum zövq almağa çalışırıq. Anlamışıq ki, nə qədər həyatda qorxularımızı dəff etsək, bir o qədər də güclənirik. Və yaşadığımız belə təcrübələr bizi xoşbəxt edir. Nə isə çooox danışdım.
🐳Bəs bu Köpəkbalıqları təhlükəli idimi?
🐳Demək olar ki, Maldivlərdə yaşayan köpəkbalıqları təhlükəli deyil. Onlar Nurse Shark-lar adlanır, kiçik balıqlarla qidalanırlar. Amma yenə də ehtiyatlı olmaq lazımdır, qışqırmaq, ani hərəkətlər etmək, onları çaşdıra bilər.
🐳Bir sözlə həyatımda yaşadığım ən gözəl təcrübələrdən biri idi. Yolunuz düşsə 100də 100 məsləhət görəcəyim bir təcrübədir.
#travel #love #backpacking #coupletravel #nomad #seyahat #maldives #ocean #sea #sharks