Відео

شوفي مثلاً الاجهزة الي تقولين خربانه خلاص ارميها ايش فايدتها وصحون الملامين بالعكس حلوه للاستخدام اليومي وهذا انتي تاكلين في بلاستك وهذا اكثر ضرر للصحه المواعين الي ماتحتاجينها ارفعيها في الدروج العلويه عشان تفضين الي تحت لمواعينك الي تستخدمين وبس حبيبتي انتي مبدعه وتقدرين تبدعين في مطبخك ❤

الكفته ناقص بيض وبقساط قبل القلي , بالنسبه لصحون كيف مو حقتك اللي شراها من البدايه انها لك وعادي من حقك تتحكمين فيها لانه بيتك

خميره فوريه 👍

لا زم نشا

ام سلطان بكون صريحة واعتبرك كاخت وصديقة الحمدلله بعد رجعتك للرياض استقريتي وهذا بيتك الاساسي ليش ماتعطينه شوي من وقتك وتحاولين ترتبينه وافضل كمحتوى بيخدمك امور الترتيب والتنظيم انتي انسانه عندك ذوق جميل ليش ماتسغلينه احسك دايم مستعجلة والحياه ركض عندك حاولي اتاخذين بريك وترتبين الامور المطبخ يحتاج ترتيب وتنظيم لو تجلسين عليه يومين وتفرزين الاشياء اللي تحتاجينها وترتبينها حتى اسهلك تستخدمينها يعني بصراحه تقدمين بالميلامين ولا صحون بلاستك ومضرة وانتو عائلة صغيره ماراح تكون مواعين كثيره تغسلينها 😅

بقولك ياام سلطان الله يسعدك يارب لو عندك اشياء ماتبينها والله اعرف ناس كثير ومن اقارب ماعندهم والله اغراض مطبخ لو تبين تواصلي معي تكفين زي الصحون الملاعق والقدور والصفايات اي شي للمطبخ لوتبين اتواصل معك انا في الرياض واقاربي في الرياض

اولا بمجرد دخولك البيت كلش ملكك شارينها لك اكيد لو ماجيتي ماشروها وثانيا ننتضر حلقه نبش المطبخ

احسك قريبه للقلب وماتتصنعين❤

شوفي انا زيك جيت والمطبخ متجهز الاشياء اللي احتاجها خليتها واللي مااحتاجها طلعتها حرام مركونه اعطيها احد يستفيد منها ولا اخليها تاخذ مساحه على الفاضي وبالاخير هي انجابت لي ويحق لي اتصرف فيها ، هل اذا نقلتي مثلاً من الشقه بتتركين المواعين بالمطبخ ؟

هم شارينه لك اغراض مطبخ معروفه للحرمه انا والله اتحكم فيهم والعب فيهم لعب 😆😆وش دعوه هم حقاتي من الجهاز

كلنا بيوتنا مثلك ومطابخنا مثلك الميلامين للاستخدام اليومي على الاقل أفضل من اليلاستك طيب لو تطبخين مثلا العشاء صينية خضار وسلطه نوعين انتي وعائلتك الصغيرة تقدمين فيها طبعا لكل نوع اكل صحن اما مسطح أو بادية أو بيضاوي يعطي منظر للسفرة والقزاز للضيوف اما الصواني الكبيرة فهي عمليه مانستغني عنها ابدا للفطور في رمضان إذا طبختي وبتقدمين تقعدين شايلة صحنين رايحة جاية لا اكيد تحطينها بصينية تقديم وترصينها على السفرة... الميلامين مرة ينفع لرمضان بوادي شوربة وصحون سنبوسة وصحون سلطه وصحون حلا و التمر والصوصات وهكذا.. والمزهريات الصغار حطيها وش يضرك ورتبيها على المغاسل في زاوية المطبخ ورصي طقم السكر على الدولاب علشان الدنيا تترتب.. هذي وجهة نظر حطي طقم الميلامين في درفتين كله مع بعض والقزاز كله مع بعض ودرفتين للقدور والبلاستيكات الخفيفة تكون فوق في الدواليب والمنظفات في دولاب بلاستك بدورة المياة كذا بيفضى دولابك ويصير مرتب والله عندك حاجات حلوة ليه تاركتها استخدميها بدل البلاستك وخساير الفلوس وتلويث البيئة

السلام عليكم ام سلطان شخبارك عندي لك شور وانتي اللي تشوفينه سويه ماعليك من أحد جيبي العاملات اللي بالساعه وجيبي كراتين اقسميها نصين واحد للاشياء اللي تبينها والثاني للي ماتبينها اللي ماتبينها دقي على الجمعيه تجي تاخذها واللي تبينه رتبيه بالشكل اللي يعجبك وسله الملابس اللي على شكل اطفال خليها لالعاب سلطان او ملابسه والاشياء الخربانه طلعيها بيصير مطبخك يفتح النفس ولا يجمع غبار ولا حوسه بيصيح كل الرخام فاضي وانقلي المكروييف على رخام المطبخ وخلي الكاوله بس للاكل او التقطيع محبتك ام f@N بغير الاسم بيصير F@N@F

ضحكتيني على الاغراض ماشاءالله عليهم يوم جهزوا مادروا انك رفله 😂 والديكور شلتيه لان مالك حيل تنظفين 😂

ليش حاطه cd بالزرع ؟ ماافهم بالزرع ياليت تفيدينا بطريقة الزرع ومحافظتنا عليه

هديل وش مشكلة الميلامين 😢. انا اسنخدمها لان عندي اطفال والقزاز اذا جوا ضيوف😅 اهم شي بلاش بلاستيك لان يتفاعل مع الحرارة .

يووه ياهديل ماعندك وقت 😂 الحين لو اهل زوجك يشوفون المقطع على المواعين بيزعلون .. معروف الناس اذواق صادقه بس عاد خارجي نفسك 😂

كان خطتي. نشاء وبيض. وبقسماط. يمسك. البطاطس. ❤❤

يجعله بالعافيه عليكم. آلله يبارك بالاغراض ❤ههههههه يازينه سلطان خلوه يسوي إللي يبغاه شوفي ياام سلطان أغراضك اليوميه اللي تستخدمينها حطيها بجهه والأغراض حطيها بجهه

طيب يا ام سلطان الناس مجهزين المطبخ لكم وفرحانين فيكم مب شينه يشوفون كلامك هذا !! مسير العائله تكبر وسلطان يكبر وتجيبين غيره وغيره ان شاء الله اشياء لابد بتحتاجينها في يوم الدنيا مهب على نفس الحال حتى انت نفسك بيتغير ذوقك كلنا ناكل ونشرب ونستعمل اغراض شرينها قبل ١٥ سنه عادي ترا المواعين مالها عمر دامها سليمه تمام ، اما موضوع يحق اطلعها الناس جابوها لكم انت وزوجك يعني لك المطبخ كله لك لأنك راعية البيت وكل هذا البيت مملكتك تتصرفين فيه زي ماتبين المهم رجلك متفاهمه معه وخلاص وتكفين لاعاد تقولين انا منب سنعه ياهي تغث ترا هالكلمه مهب زينه بحق امك اذا ما تدرين لأنك طالعة من عندها ولا قصرت معك علمتك كل شي وهذا تبارك الله ماعليك قاصر الله يرضى عليك ويرضيك 💞

يبنتي المطبخ مملكتك وبكيفك والهديه انتي مخيره تتبرعين فيها تستخدمينها كيفك وحتي الزوج ما احس يوخذ برايه خاصه ب اغراض المطبخ واشياء الحريم مايفهمون فيها عادي فضي فضي الي ماتحتاجينه مطبخك كله كلهه مواعين ماتسخدمينها تجمع غبار فقط خذي اجر وتبرعي فيهم و ما شاء الله اهل الزوج جهزو كلش باازمن. ذا ماعاد صارو يجهزون مطابخ عيالهم وقت الزواج انا وزوجي ما استاجرنا البيت حتي الي بعد الزواج واتثناه سوا من الملعقه ل الدولاب وبالزمن ذا افضل شي الذوق والاحتياجيات صاحبه البيت هي تعرف وش تبي وش تستخدم وهاكذا 💁🏻‍♀️

الله يسعدك ويوفقك يارب العالمين اللهم صل وسلم على نبينا محمد وعلى اله وصحبه اجمعين عدد خلقه ورضا نفسه وزنة عرشه ومداد كلماته

سبحان الله 🌿الحمدالله 🌿الله اكبر 🌿 استغفرالله 🌿سبحان الله وبحمده 🌿 سبحان الله العظيم

واهل زوجك ماشاءالله تجهيزهم لشقه كل شي موجود اهل خير ويعرفون سنع

ام سلطان لازم ترتبي دواليب مع ترتيب تحسين افضل ولي ماتحتاجينه اعطي فقراء

حبيبتي آلله لا يحشرنا يوم حشر مالك مضايقه مطبخ طلعي مواعين تبينها باقي تصرفي ماعليكي من احد حقك انتي حره بيتك مالا عين رات اذن سمعت صلحي دولب مكسوره لا اكيس زباله درج هذا ويش وضع والله منك الضبط مطبخ استغله كويس عندك مساحة كبيره مطبخ سطح الضبط كوي س اخلي جلسه كويسه ماعرفتي تستغلين المكان كويس ماعليش علقة كذا بصراحة حق انقال ربي يحفظك يحفظ سلطان 😢😢😢😢😢

هلا هدوله , بشري عن الوالده كيفها ؟ , بالنسبه للمواعين انا عن نفسي طلعت اللي مستحيل استخدمه للجمعية لان الخسارة الحقيقيه انها تبقى غير مستخدمه , اذا تمونين على خالتك ممكن تسألينها اذا تحتاجها , بتانسبة لي المطبخ شغله واجد فافضل يكون عملي و مواعيني كلها او اغلبها استخدمها , ممكن تسشيرين الوالده أتوقع عندها رأي أفضل . الله يوفقك لما يحب الله ويرضى

من فين جهاز الشفط والرول الأكياس يا عسل ☺️🩵؟

حبيبتي هذا بيتك اذا بيتك تصرفي فيه بمزاجك محد له حق يمنعك و وزعيها على المحتاجين انا مثلك متزوجه من سبع سنين وشوي شوي بديت اغير حتى الكنب كان مختارينه لي وغرفة نومي للحين ماغيرتها بس باذن الله بغيرها يارب 😢😢❤

شوفي ياقلبي لاتطلعين كل شي مع بعض كل مره طلعي شي للجمعيه منها ماتتبعي وتفضي شوي شوي لما قبل رمضان واذا تعرفين مرقع حراج حمليه واعرضيهم

الفيتا الصدقية صرت افرغها في علبة واحط معها زيت زيتون وتصير ياحلاتها ومرات اتحمس واسوي خلطة ورقيات معها وتطلع يمي 🤤

اغراض الي خربانه ومتحتاجينها مثل الغلايه ياشيخه عبيها كلها بكرتون وطلعيها واذا تعرفين ناس ضروفهم ماش حطيها عند باب بيتهم ترى لك الحين حق تتصرفين في كل شي في بيتك بما يرضي الله لا زوجك ولااهله يقولوا شي خلاص حطوها في بيتك يعني لك

اولا والله احب اتابعك من زمان بس اليوم زعلتيني منك يابنت الحلال قد كتبت لك في مقطع قبل كذا اقول لك غيري من نظامك انت ماشاء الله عليك وتقولين انا مو سنعه اسوي في دلال وابرايق صراحه اهل زوجك ماقصروا الله يعطيهم العافيه والصحن الكبير هذا يشل لك الصحون الصغار مثل تسوي فطوركم منوع معلبات يشل لك الطقم يهبل يعني عندك كل هالاواني وتاكلين في بلاستك لا تقولين عشان ترمينها مااتقدرين تغسلينها لا ابسطي نفسك وكلها صحنين بكره تكبر عائلتك ويكثرون عيالك والزوج يحب الدلع والتنوع في السفره والعين تشبع قبل البطن عندك وورود واشياء حلوه رتبي لك مجلس حلو في الغرفه الي فيها فراش هوائي اذكره حطي فيه كنب لو ارضي او كم قطعه مرتفع وكرسيك وطاوله وتلفزيون حتى تشوفين النفسيه والترتيب شلون ويتعودون عيالك وزوجك ع كل شي مرتب وتمام اتمنى تتقبلني كلامي بصدر رحب

سوي جرد للمواعين وطلعي الي ماتحتاجينه واعرضيها للي يبيها ويحتاجها من اهلك زحمة على الفاضي وحرام جديدة

بالنسبه للمطبخ كنت مثلك جبت بوكسين وجمعت كل اللي ماأحتاجه ورفعت فوقه دولاب المطبخ نص والنص الثاني رفعته فوق دولاب الغرفه ...وصار المطبخ وسيع ...

صحصح اعطيهم خبر واتصدقي فيها واللي مايصلح او خربان ارميه . ولو اني احس انه هذي الاشياء هدية لك تتصرفين فيها بحرية . وشكرا على المعلومات المفيدة عن الزرع والزراعه .. ما ادري وش فيه !! من الاسبوع اللي فات وهال مرة ارد في الردود وما يطلع مع الردود وارجع ارد مرة ثانية 😂 .. ❤❤❤❤❤❤❤

درج الصحون الصغار الي تحت زحيها على جنب ودخلي كرتونك بيدخل او دخلي قدورك في الدالوب الصحون حبه حبه فوق بعض او حطيها مع الشواخيل والله بيكفي وبعدين لاتذبين شي صادقه مو لك عشان تتصرفين فيها خليها اوعزمي اهل زوجك الي تحت او اهلك يجونك على غدا وغديهم او عشيهم بتحتاجين طقومك الصحون والفناجيل للعزايم اعزمي بس وبتستخدمينها ❤

هلا و غلا حبيبة قلبي ام سلطان كيفك و كيف صحة الوالده ان شاء الله احسن الله يعطيها الصحه و العافيه ❤️❤️

ماتاكلين ف الميلامين وتاكلين ف بلاستك استخدام واحد😆ياخي الرفلات ههههههههخخ كفك🤚🏻

كل شي ماتحتاجينة حطية بكراتين وكلمي الجمعية يأخذونهم أنا بداية زواجي لقيت مواعين بشقتي لأهل زوجي حطيتها بكرتونة وحطيتها بمخزن لهم واذا فية مخزن فوق السطح لهم حطي كل شي هنك

حاولي تبتعدين عن التوست حق لوزين و تستبدلينه بأي نوع ثاني لان كميه المواد الحافظه اللي موجوده فيه كبيره لانه يقعد كثير لين ما ينتهي بخصوص المواعين تقدرين تطلعينها لجمعيه خيريه على الاقل احد يستفيد منها بدل ما تكون مخزنه عندك بالدواليب بس قبلها شوفي لو أحد يبغاها من أهل زوجك أو اهلك

احس قولي لهم واسأليهم احسن يمكن فيه اشياء يشوفونها زينه وياخذونها والباقي شيليها خلاص هذا مطبخك وانتي حره ببيتك سوي الي تبينه بس اتوقع الاحسن تقولين لزوجك يسالهم اذا فيه شي يبونه منها او انتي تسألينهم