Déglul ma jooy jooyi wolof
Mbër ma defar réewi wolof
Ba koo fu seeru am i yëf
Te wootewul fetali sox
Moo naka mbir yéen ñi di mbër
Ku mel ni man moo lu ca war
Gumba gu ndaw gu matla fer
Ndayam ne mes lu ngeen ca wax
Te amagul ku ko wommat
Te xamagul yoon wu jub it
Te manta daw ba raw lor it
Te xel ma dof nopp ya tëx
Xol bay xalam di fér-féri
Ronqoñ ya yol di car-cari
Cër ya ca des di bér-béri
Di jéem a jëf te ruu ga lax
Bis bu xëyee dëgmu di jooy
Mbaa muy yërëmtalu ba yooy
Soo ko jisee gët ya di xuuy
Mbaa muy palamtu lu mu sex
Jamono jaa ngi wéet a wéet
Ku deeti jiitu te du njiit
Ŋëb ruu yi boole seeni boot
Te mel ni géej du fer du nëx
Mbindéef yi yépp a ngi gelëm
Dénd bi bépp a ngi lëndem
Baatin bi lépp a ngii ñu lëm
Saahir si lépp a ngi ne jalax
Walliw yi yépp a ngi ne selaw
Ndàmb yi yépp a ngi gelaw
Boroom dogal ba day nelaw
WO Te atte yaa nga mu walax
Allarba jam fi ne bëret
Di nittu fan ciw tamxarit
La atte yépp ne xëret
Góor ñeek jigéen ñi daw ba xëx
Xel yépp génn ne weret
Nawug ku nekk ne gëret
Neexoon keroog ma ne xoret
Ndax YALLA dootuma torox
papediagne.tpr?igsh=bXhlOGhiMnB3OXhx&
www.snapchat.com/add/papediagne.tpr?share_id=zpArnXdrTp-IppQddDVxCg&locale=it_IT
www.tiktok.com/@papediagne.tpr?_t=8mooeQ2Qt4z&_r=1
#senegal #freesenegal #kebetu #art #freepalestine