පද රචනය-ගරු මර්සලින් ජයකොඩි (නි.ම.නී) පියතුමා
ගායනය- ගොඩැල්ල දේවස්ථාන ගායනා කණ්ඩායම
දෑතම බැඳගෙන ඊතල ඇඳගෙන
ලේ දහරින් නැහැ වී
තුටු හසරැල්ලක් මුවේ මවාගෙන
එරබදු මල් පැහැ වී
දුන්නෙන් බැස එන මරණය හමුවී
සිපගන්නට තොල් දී
කුමාරියක පිළිගන්නා විලසින්
දෝත පුරා මල් දී
සසුනට සිතදී සැපතට පිටුපා
සිරි දූවිලිසේ සලකා
දැහැමින් තොරවූ මිහිමත මහිමය
මුළු දිවියෙන් වලකා
මහිමය රැව්දෙන ගී අත් පොලසන්
පිළිකුල් කොට දුරලා
දිවිදුන් සුදුවරයාණෙනි අපි අද
සරසමු මුතු ගරලා
මලකින් මලකට පරාග යනසේ
දිය දියටම යන සේ
යදින්නැ ඔබෙ ගුණ අප හා එක්වී
එක දිවියක් වන සේ
සැමදා ඔබගේ වරමින් අපවත්
දෙවිදා සලකන සේ
ඒ පටු කටු මග මල් ගනුවනු මැන
සුරපුර වෙත යන සේ
දෑතම බැඳගෙන ඊතල ඇඳගෙන
ලේ දහරින් නැහැ වී
තුටු හසරැල්ලක් මුවේ මවාගෙන
එරබදු මල් පැහැ වී
දුන්නෙන් බැස එන මරණය හමුවී
සිපගන්නට තොල් දී
කුමාරියක පිළිගන්නා විලසින්
දෝත පුරා මල් දී
සසුනට හිතදී සැපතට පිටුපා
සිරි දූවිලිසේ සලකා
දැහැමින් තොරවූ මිහිමත මහිමය
මුළු දිවියෙන් වලකා
රණබිම රැව්දෙන ගී අත්පොලසන්
කඩු හා කොඩි දුරලා
දිවිදුන් සුදුවරයාණෙනි අපි අද
සරසමු මිණි මුතු ගරලා
පන්දම් වැටකිය එළිවැල් රටකිය
අදහති ඔබෙ රුව වටලා
රන්මුසු නැතිමුත් රිදී බාරවී
ඔබෙ පා වට ගැටලා
ගම වට ගෙන ගොස් රබාන හඩවා
මල් පොරි වැසි වස්වා
ගොබ් කොළ වැල් ඇද බුමුතුරු දිග හැර
අත් පන්දම් දිස්වා