पछिल्लो दुई वर्षदेखि Centre for Social Innovation and Foreign Policy (CESIF) ले नेपालको पूर्वाधार क्षेत्रमा चीनको संलग्नता र अन्य सामाजिक तथा मानवीय सहयोगका क्षेत्रमा चीनको भूमिकाबारे विस्तृत अनुसन्धान गर्दै आएको छ। यस अनुसन्धानले चीनको पूर्वाधार लगानीका प्रवृत्तिहरू र ढाँचाहरूको विश्लेषण गर्दै नेपालका विकास आकांक्षाहरूका लागि यी संलग्नताले प्रस्तुत गर्ने अवसर र चुनौतीहरूको मूल्याङ्कन गर्ने उद्देश्य राखेको छ । द्विपक्षीय विकास साझेदारको रूपमा चीनबाट नेपालले यी क्षेत्रमा महत्वपूर्ण लाभ लिन सक्छ। तर केही चासोहरू पनि छन्।
यसै सन्दर्भमा हाम्रो अनुसन्धानका प्रारम्भिक निष्कर्षहरू साझा गर्न र प्रदेश स्तरीय सरोकारवालाहरु माझ छलफल गर्नका लागि १५ डिसेम्बर २०२४ (३० मंसिर २०८१) आइतबारको दिन गण्डकी प्रदेशका मुख्यमन्त्री माननीय सुरेन्द्रराज पाण्डेको प्रमुख आतिथ्यमा ल्यान्डमार्क होटल, पोखरामा प्रदेश स्तरीय सेमिनारको आयोजना गरिएको छ