अब के भनुँ आफ्नै बारेमा ! म एउटा साधारण मानिस । म एउटा यात्री जो परमेश्वरले ठह¥याइदिनुभएको दौड पूरा गर्न यो धरतीमा आएको छ । म नता प्रथम हुने लालच गर्छु नता अन्तिम हुने डर नै राख्छु । यात्रा जारी छ; तर कसैसँग प्रतिस्पर्धामा छुँइन म । मैले यो संसारमा बाँचुञ्जेल प्रस्तुत गरेका कामहरुले अनन्तताको जीवनमा कहीँकतै कुनै न कुनै तारलाई अवश्य हिर्काउने कुरामा सावधान छु । म विश्वास गर्छु; तपाईँ र म जो हौँ, एउटा जनावर मात्र नभएर हामी अविनाशी छौँ । मनमा चाह यो छ; म परमेश्वरको मुहारलाई सँधै हँसिलो बनाइरहँु ।

एकान्तमा पुस्तक पढ्न, गीत-सँगीत सुन्न रुचि राख्छु; गिटारको धुनमा गुन्गुनाउँछु । मलाई प्रकृति मन पर्छ; मलाई साहित्य मन पर्छ; फोटोग्राफी र भ्रमण मेरो अर्को सौख हो । म तपाईँहरु सबैलाई आदर गर्छु, कारण तपाईँहरु सबै परमेश्वरको प्रतिरुप भएकोले र परमेश्वरबाट पाएको एउटा अमर आत्मा बोकिहिँड्नुभएकोले । म मानिसहरुको आँखा र कानलाई पक्रिन चाहन्न, तर यी भन्दा बढी म उनीहरुको हृदयलाई छुन चाहन्छु । सबैभन्दा बढी म अरुको जीवनमा केही न केही मूल्य थप्न चाहन्छु ।