සුදනෝ වගේ රඟපාන්න එපා අවංකව ණය ගනුදෙනුව පියවන්න - AA0110
ua-cam.com/video/NcXuNCSe1l8/v-deo.html
මෙම දේශනාවේ අන්තර් ගත කරුණු කිහිපයක්:
පරණ ඉඩකඩම් වලට අයිතිවාසිකම් කියන ඥාති නොවන මල ගිය ඇත්තන්ට කළ යුතු දේ…..
* අපිට ලෝකයෙන් කරදර එන්න ප්‍රධාන හේතුව වන්නේ, ලෝකයාට අපේ ණයකාරකම.
* ⁠අපි නානාප්‍රකාර සත්වයො එක්ක කරපු සසර ගනුදෙනු පියවන්නෙ නැතුව හිටියම, ඒ පියවිය යුතු ගණුදෙනුව ඉදිරි අනාගතයට භවයක් භවයක් පාසා එනවා.
* ⁠විශ්ව ධර්මතාවයක් තියනවා ක්‍රියාත්මක වන. ඒකෙන් බේරෙන්න බෑ. ක්‍රමානුකූලව කරකවලා හේතු ඵලයට අනුකූලව ගොදුරුවෙන්න අවශ්‍ය තැන, අවශ්‍ය විදියට උපද්දවනවා.
* ⁠සංසාර හිමිකම්, සම්බන්ධයන් බලපාලා තමයි හැමදෙයක්ම සකස් වෙලා තියෙන්නේ.
* ⁠අපි දකින්න ඕනෙ විශේෂම දෙයක් තමයි, අපි පුන්‍යානුමෝදනාවක් කරන කොට අනන්ත සංසාරෙ පටන් ගෙන නොයෙක් ආකාරයෙන් අපෙන් අවැඩ, අසාධාරණ වෙච්ච අය සිහි කරලා ඒ හැමදෙනාටම වන්දි ගෙවනවා වශයෙන් අද මේ කරගන්න අප්‍රමාණ පින අනුමෝදන් කරවනවා. පිංපෙත් විහිදෝනවා කියන හිත.
* ⁠අනුමෝදනාව කරන කෙනා මේක දැනගත්තත්, ශ්‍රාවකයා ඒක දැනගත්තෙ නැත්තන් ඒ පින ඥානසම්ප්‍රයුක්ත වෙන්නෙ නෑ.
* ⁠හිමිකම ගෙවල ඉවර නැත්තන් සමහර වෙලාවට අපෙන් අසාධාරණ විදියට බලාපොරොත්තු වෙනවා වගේම බලාපොරොත්තු වෙන්න හේතුත් තියනවා.
* ⁠අවිද්‍යාවෙන් මුලාවෙන් වැහිල නිසා අපි දන්නෙ නෑ ඒ මනුස්සයා ඇයි අපි පස්සෙන් එන්නෙ කියලා.
* ⁠අපි හිතන් ඉන්නෙ මේ සංසාරෙ අපි කාටවත් නියපිටින් ගහන තරම්වත් වරදක් නොකරපු ගානට. අපි හරි සුදනො කියලා.
* ⁠අවංකවම අපි කරපු පව් ගෙවාගන්න ක්‍රම 2ක් තියනවා. 1)විඳවන එක. 2)කොහොම හරි විඳව විඳව හරි ණය ගෙවලා බේරෙන එක.
* ⁠අනුන්ගෙන් යමක් ගත්තා නම්, අපිට සිද්ධ වෙනවා ඒක ගෙවන්න.
* ⁠ණයට ගත් එක හාල් හුණ්ඩුවත් මතු භවයක සමාධියට බාධා කළා.
* ⁠එක්කෙනෙකුට ගන්ඩ හිතෙනවා. එක්කෙනෙකුට දෙන්ඩ වෙනවා, හොඳින් හෝ නරකින්. ගැලපෙන විදියට ක්‍රම යෙදෙනවා.
* ⁠කර්ම විපාකයක් අපිට එනකොට අපි දැනගන්න ඕනේ, ඒකෙ මූලධර්මය මොකද්ද? ඒකෙන් මිදෙන්න කළ යුතු ධර්මානුකූල ප්‍රතිපදාව මොකද්ද කියලා.
* ⁠පහර ගහන්නේ, හිමිකම තියනකන්. හිමිකම ගෙවිලා ගියාම පහර ගහන්න පුළුවන්කමක් නෑ.
* ⁠ගන්න බලාපොරොත්තුවෙන් ඉන්න කෙනා දෙනකන් පහර ගහනවා.
* ⁠සංසාරයක් පුරාවට කෑමට, ඇඳුම් වලට, මුදල් වලට, බඩුමුට්ටු වලට ණය වෙලා, දෙන්නම් කියල දෙන්නෙ නැතුව මග ඇරලා, මේ ජාතියේ ඒවා කොච්චර කරල තියනවද දන්නෑ මේ සංසාරේ. ඒ වගේම බලාපොරොත්තු වෙන අය කොයි කොයි ආකාරයෙන් ඇවිත් බලාගෙන ඉන්නවද දන්නෑ. ඔන්න ඔය ගනුදෙනුව තමයි එකිනෙකා පියවා ගන්නේ.
* ⁠අපි දැනගන්න ඕනේ පුන්‍ය ශක්තියක් වශයෙන් නිෂ්පාදනය කරලා, එබඳු ලෝක වලට බෙදා හරින්න.
* ⁠මෙන්න මේ හිමිකම අප්‍රමාණව ලබා දෙන්න පුළුවන් සම්බුද්ධ සාසනයක විතරයි. බුද්ධ ශාසනය තුළ තියෙන ඒ ශක්ති විශේෂයෙන් තමයි, අනන්ත සංසාරයේ ලෝක සත්වයන්ට තියෙන ණයෙන් නිදහස් වෙන්න තියන එකම මාධ්‍ය තියෙන්නේ.
* අන්‍ය අය කෙරෙහි දෙන්නාවූ දානයේ සීමා සහිත පිනක් තියෙන්නේ.
* ⁠ආර්යයන් උදෙසා දෙන්නාවූ දානයේ පින කෝටි ප්‍රකෝටි ගණනකින් බලවත්.
* ⁠අප්‍රමාණ පිනකින් ප්‍රමාණවත් වූ පව් වලට වන්දි ගෙවා නිදහස් වෙන්න පුළුවන්.
* ⁠බොරුවට සුදනො නොවී අපි අවංකව හිතන්න ඕනේ ලෝකයාට කරපු අවැඩ අසාධාරණ තමයි අද අපිට මේ එන්නෙ කියලා. එවන් දේ අපෙන් මතුවට නොවේවා! කියන අධිෂ්ඨානය තබා ගන්න ඕනේ.
* ⁠ඒ අය මොන භවයක හිටියත්, ඒ අයට අපි අප්‍රමාණව රැස් කර ගත්ත පින් කඳ විහිදුවන්න, පතුරවන්න ඕනේ. ඒ අයටත් මේ පින් ලැබේවා!
* ⁠මෙන්න මේ ක්‍රමයට දෙනකොට අපිට දැනෙනවා ඒවාට වන්දි ගෙවිලා යනවා. වන්දිය ගෙවුනා නම්, අපි කරා එන්න තිබ්බ විපතට එන්න හේතු නැතුව යනවා.
* ⁠උපක්‍රම සහ ප්‍රතිකර්ම කියන දෙකේම සහය සලසා ගන්න පුළුවන්. බාහිර පරිසරය සකස් කරලා අයින් කරන්න පුළුවන් යමක් තියනවා නම්, ඒක කරලා ඊට අනුකූල පරිසරයක් හදාගන්නත් පුළුවන්. නමුත් උපක්‍රම තාවකාලිකයි.
* ⁠කන්ඩ වේලක් දීල පන්න ගන්නවා කියල හිතුවොත් නම්, හරියන්නෙ නෑ.
* ⁠”අත්ථානං උපමං කත්වා”
බුදුපියාණන්වහන්සේ අපිට හිත හදාගන්න දීපු හොඳම ක්‍රමේ.
* අපි කරන දේ යුක්තිය, අයුක්තිය අපිට පේන්නෑ තමා ලෙසට ගෙන නොහිතන නිසා. ඒ විදියට බලන්න ගත්ත දවසට කිසිවෙකුට අසාධාරණයක් කරන හේතු නැතුව යනවා. කාටවත් දොස් කියන්නෙ නැතුව යනවා.
* පරණ ඉඩකඩම් වලට පෙර උරුමකම් කියපු අයට වන්දි ගෙවා නිදහස් වෙමු.
* ⁠අනුමෝදනාව හරියන්න නම්, ඒ අයගෙ ගුණ දැකලා කරන්න ඕනේ. ආදියේ හිටපු අය අපිට ආධාර, උපකාර වෙච්ච අය කියල හිතන්න ඕනේ.
* ⁠කපටිකම මතුවෙලා එනවා කළගුණ සැලකීමේ මුවාවෙන්. බොරු කපටිකම් වලින්, මවාගත්ත රඟපෑම් වලින් බෑ ප්‍රේතයො, අමුනුස්සයොන්ට පින් දෙන්න.
* ⁠අවංකවම දකින්න ඕනේ ඒ ඒ අය කරපු උදව්ව, උපකාරය. එහෙම දැක්ක කෙනාගෙ මානසිකත්වය තුළින් ශුද්ධ පුන්‍ය ශක්තිය නැගිලා ක්‍රමානුකූලව ශක්තිය මතුකරලා එනවා.
* ⁠අපි ගුණ දැකලා, උපකාරයට කෘතෝපකාර සැලකීමේ ගුණය සිහි කරලා කරන කොට විශාල වශයෙන් පින ඉතිරිලා යන්න පටන් ගන්නවා.
* ⁠හැම වෙලේම පිනක් දෙනකොට ඇයි අපි පින් දෙන්නෙ, මොන ගුණයටද කියන එක දකින්න පුරුදු වෙන්න ඕනේ.
* ⁠අලෝභ, අද්වේෂ, අමෝහ මානසිකත්වය ගොඩනැගිල කරන පිනක් තමයි ත්‍රිහේතුක වෙන්නේ.
* ⁠මගේ බලපොරොත්තුව උතුම් නිවන් පූර්ණය කර ගැනීමත්, අන්‍යන්ටත් කවදා හරි මේ පින නිවනටම උපනිශ්‍රය වීමත් කියන හැඟීම ගත්තොත්, ත්‍රිහේතුකයි, උත්කෘෂ්ටයි, ඥාණසම්ප්‍රයුක්තයි, සෝමනස්ස සහගතයි.
* ⁠තුන්සිත පහදවා දානයක් දෙද්දි,
*දානෙ දෙන වෙලාවේ සිත - ජනක කර්ම ශක්තිය නිපදවනවා.
*දානෙ දෙන්න පෙර සහ පසු සිත් - දෙපස පරිවාර සම්පත් නිපදවනවා.
* ත්‍රිහේතුක උත්කෘෂ්ට, මධ්‍යම, ඕමක බෙදි බෙදී යන රටාව අනුව තමයි ජනක කර්ම රැස්වෙලා සකස් වෙන්නේ. ඒවගේ ප්‍රභේද අනුව තමයි ලෝකෙ එක එක විදිය සත්තු හටගන්නේ.
.....................................................................
Ariya Chinthashrama USA Inc ආයතනය විසින්
සිදුකෙරෙන සදහම් සත්කාරයකි
Telephone :- +1 662 402 5998
Whatsapp :- +94 76 258 53 53
Web :- www.ariyachinthashramausa.org