…
اشترك في قناة المنشد عبدالمجيد الخزماني الرسمية للاستماع إلى احدث اصداراته الفنية :
‏youtube.com/@mgood66a
------------
أداء والحان : عبدالمجيد الخزماني
‏Abdulmajeed Al-Khazmani
كلمات الشاعر : سلطان الهاجري
هندسة و توزيع : ايمن مخاوي
تصميم : ناصر البقمي
____________
لمتابعة المنشد عبدالمجيد الخزماني عبر وسائل التواصل الاجتماعي :
‏: official WhatsAp
‏wa.me/+966501617448
‏: Snapchat
‏www.snapchat.com/add/mgood66a
‏: Instagram
‏ x.lo50
‏: Tiktok
‏ www.tiktok.com/@x.lo50
‏: X
‏ mgood44a
-------
* الكلمات :
‎يا لحون العود والا يا مجارير الربابه
‎اختلف معنا القصيد وضيّع الفنان فنه
‎حلم مدري علم مدري نوض برقٍ في سحابه
‎اثرها طلة جبينه يوم زاح الليل عنه
‎أقبلت مثل الفرس لا سمعت طبول الحرابه
‎مقتفيها ليلٍ أسود والنجوم يفرّقنه
‎النهار يمر ويعدي وليله في عَقابه
‎النحر صبحٍ تجلى والجدايل كنّهنّه
‎مخملٍ يلتف حول الجيد الأتلع بالنيابه
‎عن سلاسيل الذهب والماس خوف يجرّحنه
‎غاب عني والوله خلاه عندي في غيابه
‎ما درى ان فرقاه نار ولا درى ان لاماه جنه
‎يا وجودي وجد من صفق على ماضي شبابه
‎بان شيبه والسنين اللي يبيهن خالفنه
‎غرّته خضر السنين وراح عمره ما درى به
‎غرّرنه وارفعنّه الين سج وحوّلنّه
‎ويا وجودي وجد عودٍ لا عيال ولا قرابه
‎ما جداه الا يون ويردف الونه بونه
‎مالقى فزعة رفيق ولا دعاةٍ مستجابه
‎كل ما امسى له بظنٍ خيّبت الأيام ظنه
‎ذا وجودي في غياب اللي نزح والله جابه
‎صح فرض الله فرض وسنة الرسول سنه
‎الغلا جسمٍ رقيق ومرهف احساسي ثيابه
‎مثل غصن الورد يومً - ان-الهبايب يطرقنه
‎ما زرعت الا غلاه ولا نقلت الا صوابه
‎والحشا ما ضاق من خضر الطعون المستكنه
‎يا حبيبي ما زها كف الخضاب الا خضابه
‎فيه نظم المفردات وفيه للعشاق عنّه
‎الظبي ماله شبيه وبينك وبينه تشابه
‎التفت بشويش والقى فيه منك وفيك منه
‎خالقك من فضّل محمد على كل الصحابه
‎وصخّرك مثل المهار اللي تصخّرها الأعنه
‎والثنا والشكر للي رحمته تسبق عذابه
‎لا لخلق الله فضل ولا لخلق الله منّه
‎قاله اللي ما خذا مِن ما يريد الا هبابه
‎خيرة الفارس ثنيّة خيل صفراً مستعنه