आदरणीय कृषक दाजुभाइ तथा दिदीबहिनीहरु,
पछिल्लो समय देशका विभिन्न भागमा पशुबस्तुहरुमा लाग्ने प्राणघातक रेबिज रोगसँग मिल्दाजुल्दा लक्षणहरु देखिने र पशुहरु मर्ने गरेको पाईएको छ। रेबिज रोग जुनोटिक रोग भएकाले र मानव स्वास्थ्यका दृष्टिले समेत सम्वेदनशील भएकाले आ-आफ्नो स्थानका पशुबस्तुमा यस प्रकारको लक्षण देखिना साथ नजिकैको पशु सेवा शाखा, पशु स्वास्थ्य कार्यालय, स्थानीय तह तथा प्राविधिक लाई खबर गर्ने र निम्नानुसार सतर्कता अपनाउन हुन सम्पुर्ण देश बासी दाजुभाई तथा दिदीबहिनीहरुमा हार्दिक अनुराेध गर्दछौं।
१. कुकुर तथा बिरालोलाई नियमित रूपमा रेबिज रोग बिरुद्ध खोप लगाउने ।
२. जंगली जनावरहरूको सम्पर्क नहुने गरी आफुले पालिएका पशुबस्तुको ब्यबस्थापन गर्ने।
३. यस्तो लक्षण देखिएको पशुसंग लसपस नहुने र अन्य पशुपन्छीलाई समेत लसपस नगराउने साथै तुरुन्तै सम्बन्धित निकायमा जानकारी गराउने ।
४. यदि मानिस वा पशुबस्तुहरु बिरामी पशुसंग लसपस भएमा तुरुन्तै खोप लगाउने ।
५. यस प्रकारको लक्षण देखाई पशु मरेमा तुरून्त सम्बन्धित निकायमा खबर गर्ने र प्राविधिकको सल्लाह बमोजिम गहिरो खाडलमा पुरीदिने ।
६. संकास्पद क्षेत्रमा पशुपन्छीको आवागमनमा रोक लगाउने ।
७. आफुले पालेका कुकुर तथा बिरालोलाई छाडा नछोड्ने, आदि ।
#rabies
#samplecollection
#animal
#zerodeathby2030