مقادير الكيك الكبير أو الدور الاول
نصف كيلو دقيق متعدد الاستخدام ومنخول مرتين
حوالى 3اكواب معيارية...هشيل منهم 3معالق كبار واستبدلهم بكاكاو خام
10بيضات متوسطين بدرجة حرارة المطبخ
2كوب سكر ابيض حبيبات ناعم
2معلقة كبيرة محسن كيك جل
كوب الاربع الى كوب ماء
كيس بودر 16جرام
2معلقة كبيرة نشا
الطريقة
فى طبق كبير نخفق بالمضرب الكهربائى أو بالعجان السكر والبيض لحد مالقوام يبقى زى الكريمة ويبقى فاتح
ونضع المحسن والماء ونضرب عشر دقائق كمان وده الخليط السائل
ونضع على الدقيق الكاكاو والبيكنج بودر والنشا وده الخليط الجاف
نضع خليط الدقيق أو المواد الجافة على خليط السوائل شوية بشوية مع التقليب من فوق لتحت علشان الهواء إلى دخل الخليط ميخرجش وكمان علشان يبقى هش .
.ونضع الخليط فى الصينية المخصصة للكيك وتوضع فى الفرن ويكون سابق التسخين على 180من تحت بس ...حوالى ساعة ولو الفرن بارد شوية هتبقى ساعة وعشر دقائق.
الكيك الصغير
نصف مقدار الكيك الاول وبنفس الطريقة