ၵႂၢမ်းလူင်ၼႆႉ
ပဵၼ်ပဵၼ်ၽိင်ႈထုင်း ဢၼ်လီသူၼ်ၸႂ် ဢၼ်ၼိုင်ႈသေ လိူဝ်ၼၼ်ႉ ပဵၼ်ၽိင်ႈထုင်းဢၼ်လၵ်ႇပိူင်ႈပိူၼ်ႈတင်းလူမ်ႈၽ လႄႈ ပဵၼ်ၽိင်ႈထုင်းၶွင်ပီႈၼွင်ႉၸဝ်းၶိူဝ်းတႆးယဝ်ႉ၊
ၽိင်းထုင်းၵႂၢမ်းလူင် ဢမ်ႇၼၼ် ၵႂၢမ်းပၢၼ်ၵဝ်ႇၼႆႉ မီးလႆၢလႆၢၸဝ်းယူႇ မိူၼ်ၼင်ႇ ၵႂၢမ်းၸွမ်းၸၢတ်ႈသႅင်း၊ ၵႂၢမ်းလွင်ႈၶူင်း ၵႂၢမ်းလၢၼ်ႇတင်ႉ၊ ၵႂၢမ်းလွင်ႈၶျွင်း၊ ၵႂၢမ်း ဝွၵ်း၊ ၵႂၢမ်းဢေႁေး၊ ၸိူဝ်းၼႆႉ ပဵၼ်ၽိင်ႈထုင်းဢၼ်လီႁၵ်ႉတႄႉတႄႉ။
တႃႇတေထိင်းသိမ်း ပိုၼ်ၽႄ ၼၼ်ႉ ပုၼ်ႈၽွၼ်းမၼ်း ယူႇတီႈၸဝ်းၶိူဝ်းတႆး ဢၼ်မီးယူႇ ၼႂ်းလူမ်ႈၽၼႆႉၵူႈတီႈယဝ်ႉ။
တႃႇ ထိင်းသိမ်း ၼႆႉ
ပီႈၼွင်ႉတႆးၶဝ် ၵႆႉပိုတ်ႇၽုၺ်ႇၸွမ်း ပွႆးလူႇတၢၼ်း ပွႆးၽိင်ႈထုင်းတႆးၸိူဝ်းၼႆႉမႃးယဝ်ႉ။
ၽိင်ႈထုင်းလွင်ႈႁွင်ႉၵႂၢမ်းၸိူဝ်းၼႆႉ ပဵၼ်ၽိင်ႈထုင်း ဢၼ်လီႁၵ်ႉသေတၵေႃႈ တေႃႇထိုင်ယၢမ်းလဵဝ် ပႆႇမီးၸုမ်းလႂ် ၊ မိူင်းလႂ် ပႂ်ႉပႃးဝႆႉတႄႉတႄႉ။ ၵူၺ်းမီး ၸုမ်းၸၢတ်ႈသႅင်းတႆး လႄႈ ၽူႈၸိူဝ်းသူၼ်ၸႂ်သေ လဵပ်ႈႁဵၼ်းႁႂ်ႈႁူႉမေႃသေယဝ်ႉ ထိင်းသိမ်း ဝႆႉၼၼ်ႉၵူၺ်း။